Bu gün UEFA Konfrans Liqasının pley-off mərhələsinin ilk matçında təmsilçimiz “Zirə” səfərdə “Omoniya” ilə qarşılaşacaq.
İdmanxeber.az-ın məlumatına görə, Kiprdə keçiriləcək matç ölkəmizdə canlı yayımlanacaq. Bakı vaxtı ilə saat 21:00-da başlayacaq görüşü CBC Sport kanalı birbaşa nümayiş etdirəcək.
Bundan başqa, Kiprin Cytavision Sport 1 kanalı da bu oyunu mavi ekranlara daşıyacaq.
Qeyd edək ki, tərəflər arasında cavab matçı bir həftə sonra Bakıda keçiriləcək.