Argentina millisinin hücumçusu Xoakin Korrea bu il Qətərdə keçiriləcək dünya çempionatını buraxacaq.
İdmanxeber.az-ın məlumatına görə, 28 yaşlı hücumçu sol ayağından zədə alıb. Korreanın yerinə komandaya ABŞ-ın MLS liqasında çıxış edən “Atlanta”nın oyunçusuTiaqo Almada çağırılıb.
Qeyd edək ki, DÇ-2022 noyabrın 20-dən dekabrın 18-dək təşkil olunacaq. Argentina C qrupunda Meksika, Polşa və Səudiyyə Ərəbistanı ilə mübarizə aparacaq.