Müqavilə ilə "Arsenal"a məxsus olan, lakin icarə əsasında Almaniyanın "Hamburq" klubunda çıxış edən Yohan Curu 2016-cı ilədək Bundesliqada çıxış edəcək.
İdmanxeber.com-un məlumatına görə, Almaniya klubu mövsümün əvvəlində londonlulardan icarəyə götürülən 27 yaşlı müdafiəçini rəsmən transfer edib. "Arsenal"dan 3.5 milyon avro qarşılığında transfer olunan fransız müdafiəçinin "Hamburq"un tamhüquqlu üzvü olması bu komandanın baş məşqçisi Mirko Slomkanı sevindirib:
"Curunun bizimlə daha 2 il qalması sevindirici məqamdı. O, bizim müdafiənin əsas üzvlərindəndi".