Şahmat Federasiyası (FIDE) növbəti reytinq siyahısını açıqlayıb.
İdmanxeber.az FIDE-nin rəsmi saytına istinadən xəbər verir ki, Şəhriyar Məmmədyarov (2723) iki sıra geriləyərək 26-cı olub.
İki mövqe irəliləyən Teymur Rəcəbov (2723) 25-ci yerdə qərarlaşıb.
Bir pillə geriləyən Rauf Məmmədov (2651) 88-ci, yenidən “100-lüy”ə qayıdan Nicat Abasov (2641) 96-cıdır.
Qadın şahmatçılarımızdan Günay Məmmədzadə (2449) 26-cı sıradakı yerini qoruyub. Ülviyyə Fətəliyeva (2384) 65-ci, Gövhər Beydullayeva (2374) 76-cı, Gülnar Məmmədova (2351) 100-cüdür.