Ölkəmizi UEFA Konfrans Liqasında təmsil edən “Sabah” və “Zirə” III təsnifat mərhələsinə vəsiqə qazanıb.
İdmanxeber.az-ın məlumatına görə, İsrail “Makkabi”sini (Hayfa) çətinliklə keçən paytaxt klubunda matçın ən yaxşısı Kahim Paris seçilib. Onun performansı 7,3 xalla qiymətləndirilib.
Qarşılaşmada ən zəif xal alan futbolçular isə “Sabah”ın müdafiəçiləri olub. Olduqca zəif təsir bağışlayan və oyunboyu rəqibin hücumları qarşısında aciz qalan Amin Seydiyev (5,1), Sofian Çakla (5.1), İrazabal (5,1) və Letiçin (5,2) çıxışlarına aşağı bal verilib.
Turnirdəki digər təmsilçimiz “Zirə”nin “DAC 1904” qələbəsində (2:1) isə əsa spay sahibi kimi 3 futbolçu – Tiaqo Silva, Rafael Utziq və Qismət Alıyev göstərilib. Hər oyunçunun da performansı 7,3 olaraq dəyərləndirilib.
Xatırladaq ki, “Sabah” Konfrans Liqasının III təsnifat mərhələsində “Sent-Patriks Atletik”lə (İrlandiya), “Zirə” isə “Osiyek”lə (Xorvatiya) üz-üzə gələcək.
