Çempionlar Liqasının 1/4 final mərhələsində cavab görüşləri start götürüb.
İdmanxeber.com-un məlumatına görə, ilk oyun günündə 2 yarımfinalçının adına aydınlıq gəlib.
Fransada PSJ ilə qollu heç-heçə edən "Mançester Siti" doğma azarkeşləri önündə de Bryunenin 76-cı dəqiqədə vurduğu qolla qalib gələrək mərhələ adlayıb.
Almaniyada "Volfsburq"a cavabsız qollarla (0:2) məğlub olan "Real" isə İspaniyada möcüzəyə imkan verməyib. Ronaldonun het-trik ilə qələbə qazanan "kral klubu" yarımfinala yüksəlib.
12 aprel
Çempionlar Liqası, 1/4 final
22:45. “Mançester Siti” (İngiltərə) – PSJ (Fransa) 1:0
Qol: De Bryune, 76
Hakimlər: Karlos Velasko Karbalyo, Roberto Alonso, Xuan Yuste, Raul Kabanero
Əlavə köməkçi hakimlər: Jesus Gil Manzano, Karlos del Kerro (hamısı İspaniya)
İlk oyun – 2:2
22:45. “Real” (İspaniya) – “Volfsburq” (Almaniya) 3:0
Qollar: Ronaldo, 16, 17, 77
Hakimlər: Viktor Kaşşai, Qyorqi Rinq, Vensel Tot, İstvan Albert
Əlavə köməkçi hakimlər: Tamaş Boqnar, Adam Farkaş (hamısı Macarıstan)
İlk oyun – 0:2