Bu gün UEFA Konfrans Liqasının II təsnifat mərhələsinin cavab görüşləri çərçivəsində təmsilçimiz “Sumqayıt” səfərdə “Fehervar”la qarşılaşacaq.
İdmanxeber.az-ın məlumatına görə, Bakı vaxtı ilə saat 21:00-da başlayacaq qarşılaşma bir neçə ölkədə canlı yayımlanacaq. Azərbaycanda CBC Sport kanalı bu matçı birbaşa nümayiş etdirəcək. Bundan başqa, Macarıstanın “Duna TV”, Qazaxıstanın “Sport Plus” və Slovakiyanın “Arena Sport 1” kanalları da bu oyunu canlı yayımlayacaq.
Qeyd edək ki, “Sumqayıt” ilk oyunda evdə rəqibinə 1:2 məğlub olub.