Qadın voleybolçular arasında CEV kubokunda cari mövsümə start verilib.
İdmanxeber.com-un məlumatına görə, Azərbaycanı bu yarışda təmsil edən “Lokomotiv”, ilk oyununu Almaniyada “Rote Raben” kollektivinə qarşı keçirib.
Mübarizəyə 1/16 finaldan başlayan “dəmiryolçular” hər 3 setdə inamlı təsir bağışlayiblar (25:17, 26:24 və 25:22). Komandalar arasında cavab matçı 2 həftədən sonra Bakıda olacaq.