Noyabrın 3-də UEFA Avropa Liqasının qrup mərhələsinin IV turunun oyununda “Qəbələ” Fransanın “Sent-Etyen” komandasını qəbul edəcək.
İdmanxeber.com-un klu saytına istinadən məlumatına görə, “Bakcell Arena”da baş tutacaq “Qəbələ” – “Sent-Etyen” matçı öncəsi baş məşqçilərin mətbuat konfransı oyundan bir gün əvvəl – noyabrın 2-də saat 18:15-də arenanın media zalında start götürəcək.
İlk olaraq jurnalistlərin önünə “Qəbələ”nin baş məşqçisi Roman Qriqorçuk çıxacaq. Saat 19:30-da isə Fransa klubunun baş məşqçisi Kristof Qaltye media nümayəndələrinin suallarını cavablandıracaq.
Komandaların oyunöncəsi son məşqləri də “Bakcell Arena”da baş tutacaq. “Qəbələ” 19:00-da, “Sent-Etyen” 20:00-da stadionun meydanında hazırlıqlarını tamamlayacaq.