Almaniya mətbuatı millimizin üzvü Dmitri Nazarovun çıxış etdiyi “Aue”nin futbolçularının II Bundesliqanın ilk dövrəsindəki çıxışını qiymətləndirib.
İdmanxeber.com-un məlumatına görə, “TAG24” portalı fasiləyə qədər bütün oyunların ən azı 60 dəqiqəsini meydanda keçirən futbolçuları fərqləndirib. Millimizin üzvü Dmitri Nazarovun da adı siyahıda yer alıb. Ancaq onun çıxışı çox aşağı – 3,4 balla qiymətləndirilib. Buna isə yarımmüdafiəçinin “Regensburq”la oyunda qırmızı vərəqə alıb, qarşıdakı 3 görüşü buraxması səbəb olub. Qeyd edək ki, Nazarov birinci dövrədə Aue təmsilçisinin heyətində 15 oyun keçirib. Təcrübəli futbolçu 1280 dəqiqə meydanda olub.