Azərbaycan kubokunun 1/4 final mərhələsi çərçivəsində “Neftçi”yə 0:1 hesabı ilə məğlub olaraq mübarizəni dayandıran AZAL-ın futbolçusu Aleksandr Şemonayev matçdan sonra idmanxeber.com-un əməkdaşının suallarını cavablandırıb:
– Matç barədə fikirlərin…
– Birinci hissədə oyunumuz alınmadı. İkinci hissəyə yaxşı başladıq amma şanslardan istifadə edə bilmədik.
– Bu stadionda oynamaq “Neftçi” üçün həmişə çətin olub amma bu gün rahat qələbə qazandılar.
– Alınmırdı oyunumuz. Heç özümüz bilmirdik bizə nə olub.
– Qol vura bilməməyinizin səbəbi nə idi? Şanslarınız oldu çünki.
– Deyə bilərəm ki, bu gün bəxtimiz gətirmədi.
– Penalti epizodları oldu. Hansı ki, hakim 11 metrlik nöqtəni göstərmədi. Bu barədə nə düşünürsən?
– Elvinin əlinə dəyən epizoda uzaq idim amma Rəşadın yıxıldığı epizodda penatli var idi.
– AZAL üçün erkən bitdi kubok yoxsa bura qədər gəlmək də sizin üçün uğur sayıla bilər?
– Mərhələni keçə bilərdik amma əlimizə düşən şanslardan istifadə edə bilmədik. Heyif!
– Rəhbərlik bu məğlubiyyətdən sonra nə dedi sizə?
– Hələki heç bor söhbət olmayıb. Yəqin ki, sabah danışacaqlar.
– Bu mövsüm AZAL üçün avrokuboklar möcüzə kimi qaldı demək olarmı?
– Yox. Hələ mübarizə aparacağıq. Çalışarıq ki, ilk 4-lükdə yer alaq.
– Oyundan əvvəl “Neftçi”nin kubokda AZAL-a məlub olacağı kimi sözlər gəzirdi.
– Yalan sözlərdi hamısı. Biz elə şeylərə fikir vermirik.