Çempionlar Liqasının pley-off mərhələsi çərçivəsində keçirilən “Fənərbağça” – “Arsenal” (0:3) oyunundan sonra ev sahiblərinin baş məşqçisi Ərsun Yanal maraqlı açıqlamalar verib.
O, yüksək tempdə oynaya bilmədikləri üçün məğlub olduqlarını bildirib: “Güclü bir rəqiblə oynadıq. Oyun ərzində balansı qorumuşduq. İlk qoldan sonra rəqibimiz yüksək templi oyunu nəticəsində qapımızda daha iki qol gördük. Bizim də o tempdə oynamağımız lazım idi.Bu əskiklik isə mövsüm hazırlığı ilə yox, davamlılıqla bağlıdır. Bəzi oyunçularımız komandaya gec qatıldı. “Fənərbaxça”da bu tempi yüksəldəcək futbolçular seçəcəyik”.