“Biz çox arxada qalmışıq və turnir cədvəlindəki vəziyyətimiz ürəkaçan deyil. Ona görə də biz bütün oyunlara qələbə qazanmaq üçün çıxacağıq. Ancaq asan olmayacağını da bilirik”.
Bu sözləri idmanxeber.com-a “Xəzər Lənkəran”ın futbolçusu Rasim Ramaldanov deyib.
Təcrübəli müdafiəçi Ağdam klubunun heyətindəki itkilərə də toxunub:
“Rəşad Sadıqov və Gelaşvilinin zədəli olmasından xəbərim var. Onların bizə qarşı oynayıb-oynamaması bir yana, Rəşadın zədələnməsi mənə pis təsir etdi. O, millimizin aparıcı üzvlərindən biridi. Onun oynamaması bizim lehimizə ola bilər”.
Qeyd edək ki, “Qarabağ” – “Xəzər Lənkəran” oyunu bugün, saat 17:00-da keçiriləcək.