“Boavişta” qapıçısı Kamran Ağayevin 3 oyunluq cəzasının azaldılması ilə bağlı apelyyasiya şikayəti verəcək. Klub millimizin qapıçısına verilən cəzadan narazılığını bildirib.
Klub bununla bağlı rəsmi saytı vasitəsi ilə yaydığı bəyanatda K.Ağayevin cəzasını ağır hesab edib: “Azarkeşlər rəqib oyunçuların aktyorluq və təxribata çəkmə bacarıqlarının yüksək səviyyədə olduğunu gördülər. Bu haqsızlıq “Boavişta”ya mənfi mənada təsir göstərməyəcək. Haqsızlıq qarşısında susmaz fikrimiz yoxdur” – deyə bəyanatda bildirilib.
Qeyd edək ki, K.Ağayev Portuqaliya çempionatının 17-ci turunda “Benfika” ilə oyundan sonra rəqib komandanın ehtiyatda olan futbolçuları ilə dalaşıb. Millimizin digər üzvü Emin Mahmudov və komanda yoldaşları Kamranı güclə sakitləşdiriblər.