Çinin “Quançjou Everqrand” klubu “Barselona”nın futbolçusu Arda Turan üçün növbəti təklif göndərib.
Çin klubu Kataloniya təmsilçisinə 50 milyon avro təklif edib. İki klub arasında razılıq əldə olunsa və Arda təklifi qəbul etsə, o, yeni klubunda hazırkı maaşından üç dəfə artığını qazanacaq.
Qeyd edək ki, “Barsa”nın Ardanı satacağı iddia edilir. Klubun 29 yaşlı oyunçunun satışından gələcək pulla hələ də müqavilənin müddətini yeniləmədiyi Lionel Messi ilə görüşüb ona imza atdırmağa çalışacağı bildirilir.