Almaniya Gənclər Bundesliqasının Cənub zonasında 1-ci turun təxirə salınmış oyunu keçirilib.
İdmanxeber.com-un məlumatına görə, millimizin üzvü Renat Dadaşovun çıxış etdiyi “Ayntraxt”ın U-19 komandası səfərdə “Hoffenhaym”la qarşılaşıb.
Görüş Frankfurt təmsilçisinin 1:3 hesablı məğlubiyyəti ilə başa çatıb. Start heyətdə meydana çıxan millimizin hücumçusu komandasının yeganə qolunun müəllif olub.
Qeyd edək ki, “Ayntraxt” 3 xalla 7-ci pillədə qərarlaşıb.