“Biz əslində Mahir Emrelini komandamızda görmək istəyirdik. Ancaq onun “Legiya” ilə problemi var idi”.
İdmanxeber.az “CNNTURK”ə istinadən xəbər verir ki, bu sözləri Türkiyənin “Başakşeher” klubunun baş məşqçisi Emre Bələzoğlu deyib.
O, Azərbaycan millisinin bu gün “Dinamo” (Zaqreb) ilə müqavilə imzalayan futbolçusu Mahir Emrelini transfer edə bilməmələrindən danışarkən daha sonra sözlərinə belə davam edib:
“Yolların ayrılma prosesi uzun çəkdi. Biz isə tezliklə qərar qəbul etməli idik. Yanvar qış transferi üçün asan ay deyil. Bizə kömək edəcəyinə inandığımız oyunçu idi. Lakin hazırkı məqam üçün bu transfer baş tutmadı”.
Qeyd edək ki, Mahir Emreli Xorvatiyanın “Dinamo” (Zaqreb) klubu ilə 4,5 illik müqavilə bağlayıb.