Hal-hazırda Premyer Liqanın 14-cü turunda "Bakı" doğma meydanda "Xəzər Lənkəran"ı qəbul edir.
İdmanxeber.com-un oyuna ezam olunmuş əməkdaşının verdiyi məlumata görə, oyunu izləyənlər arasında Türkiyə millisinin sabiq baş məşqçisi Oğuz Çətin də var. Onun Azərbaycana niyə gəldiyi məlum deyil. Məşqçi hazırda oyunu "Xəzər Lənkəran" rəsmiləri – Hüseyn Cəbrayıloğlu və Səməd Mustafayev ilə birlikdə izləyir.
Qeyd edək ki, Çətin məşqçi kimi “Fənərbağça”, “Kayseri Erciyesspor”, “Gənclərbirliyi”, “Diyarbakırspor”da çalışıb. Son olaraq, “Boluspor”da çalışmış təcrübəli məşqçi bir müddət Türkiyə millisində köməkçi məşqçi olub.