UEFA Avropa Liqası çərçivəsində Türkiyə təmsilçisi “Fənərbaxça”nın Ukrayna klubu “Zorya Luqansk” ilə 24 noyabrda oynayacağı A qrupu qarşılaşmasını Avstriya Futbol Federasiyasından Harald Leçner idarə edəcək.
İdmanxeber.com-un məlumatına görə, “Ülkər Stadionu Fənərbaxça Şükrü Saracoğlu İdman Kompleksi”ndə saat 20.00-da başlayacaq görüşdə Andreas Heydenreyk və Maksimilian Kolbits yan xətt hakimləri olacaq. Andreas Staudinqerin dördüncü hakim olacağı müsabiqədə əlavə yardımçı hakimlik vəzifələrini isə Aleksandr Harka və Julian Veynberqer boynuna götürəcək.