“Hazırda çıxış etdiyim liqa səviyyə baxımından Azərbaycan və İsveç çempionatını üstələyir”.
İdmanxeber.com-un məlumatına görə, bu sözləri İngiltərənin I Liqa (səviyyəcə üçüncü divizion) klubu “Oksford Yunayted”in yeni futbolçusu Rikardinyo debüt etdiyi “Portsmut”la oyundan (3:0) sonra deyib.
Britaniya mətbuatına açıqlama verən “Qəbələ”nin sabiq hücumçu ilk matçını 9500 azarkeş izləməsinə belə münasibət bildirib: “Azərbaycanda oynayanda bu cür dəstək görmürdüm. Çünki kiçik şəhəri təmsil edirdik, bu qədər azarkeşimiz yox idi. Onlar yalnız Avropa Liqasının matçlarında, futboldan zövq almaq üçün stadiona gəlirdilər. Burda isə vəziyyət fərqlidir. İnsanlar bizə dəstək olmaq üçün stadiona gəlirlər”.
Qeyd edək ki, Rikardinyo 2015-ci ilin fevralından 2017-ci ilin iyununa kimi “Qəbələ”də oynayıb.