Yaxın vaxtda Gəncə şəhər stadionunun söküləcəyini xəbər vermişdik
İdmanxeber.az-a daxil olan məlumata görə, bu səbəbdən “Kəpəz” klubu növbəti dəfə ev oyunlarını neytral meydanda keçirəcək. Rəhbərlik hazırda rəqiblərini qəbul etmək üçün iki alternativ üzərində çalışır – Tovuz və ya Qəbələ rayonları.
Məsafənin yaxın və xərclərin daha az olması üçün “sarı-göylər” Qərb bölgəsində qalmağa daha çox üstünlük verə bilər. Ancaq Gəncədə təbii ot örtüyündə çıxış etməyə vərdiş edən futbolçular üçün Qəbələ variantı da qüvvədədir.
Rəhbərliyin məsələ ilə bağlı yaxın günlərdə qərar verməsi gözlənilir.