Xorvatiya millisinin futbolçusu Luka Modriç “Avro-2016″nın seçmə mərhələsində yığmamızla 0:0 bərabərə qaldıqları oyundan sonra jurnalistlərin suallarını cavablandırıb.
İdmanxeber.com-un məlumatına görə, Madrid “Real”ının ulduz futbolçusu bunları deyib:
“Yaxşı oynaya bilmәdik. Müәyyәn sәhvlәr etdik. Bu sәhvlәrdən nәticә çıxarmalıyıq. Azәrbaycan millisinin әmәyini qiymәtlәndirmәk lazımdır. Onlar bizә qarşı yaxşı oynadılar. Hәr hansı futbolçunu qeyd etmәk istәmәzdim. Komanda şәklindә yaxşı çıxış etdilәr”.
Bu oyunda qәlәbә qazanmalıydıq ki, Norveçlә görüşə daha rahat çıxaq”.
Millimizin baş məşqçisi Robert Prosineçkinin Xorvatiya millisini yaxşı tanımasına münasibət bildirən Modriç deyib: “Prosineçki yaxşı komanda qurub. O, Xorvatiya millisini tanıya bilər. Amma meydanda Prosineçki yox, futbolçular oynadı”.