İspaniya La Liqasında 29-cu turun oyunları keçirilir.
İdmanxeber.com-un məlumatına görə, millimizin futbolçusu Eddi İsrafilovun şərəfini qoruduğu “Qranada” “Santyaqu Bernabeu”da “Real”ın qonağı olub. Qarşılaşma Madrid klubunun böyükhesablı qələbəsi ilə yekunlaşıb – 9:1.
Millimizin futbolçusu “Real”a qarşı oyunda meydana çıxmaq şansı qazanıb. İsrafilov qarşılaşmanın 56-cı dəqiqəsində meydana çıxıb. O, oyuna daxil olarkən hesab 7:0 “kral klubu”nun xeyrinə olub. Futbolçumuz meydana girdikdən bir qədər sonra isə komandası hesab arasındakı fərqi azaldıb. Hətta bir epizodda İsrafilovun zərbəsini Kasilyas çətinliklə də olsa dəf edə bilib.