“Milan” yetirməsi Canluici Donnarummanı bu mövsüm heç bir komandaya satmayacaq.
İdmanxeber.com-un məlumatına görə, bunu klubun prezidenti Silvio Berluskoni deyib. O, bildirib ki, 18 yaşlı əlcək sahibini heç bir məbləğə satmayacaqlar:
“O, bizim ən möhtəşəm yetirmələrimizdən biridir. Donnarumma klubumuzun formasına və rənglərinə ürəkdən bağlı insandır. Sizi əmin edirəm ki, onu heç bir komandaya satmayacağıq. Heç bir məbləğ Donnarummanı bizdən ayıra bilməz”.