Çimərlik futbolu üzrə FIFA Dünya Kuboku-2017 turnirinin İtaliyanın Yezolo şəhərində təşkil olunmuş Avropa komandaları arasında seçmə mərhələsində Azərbaycan millisi üçüncü oyununu keçirib.
İdmanxeber.com-un məlumatına görə, Bolqarıstan yığması ilə qarşılaşan millimiz qələbə qazanıb – 4:1. Komandamızın qollarını Asif Zeynalov, Əbdül Əliyev, İlkin Hacıyev və Orxan Məmmədov vurub.
Beləliklə, millimiz seçmə mərhələnin ikinci raunduna vəsiqə qazanıb. Bu mərhələdəki rəqiblər barədə saytımızda məlumat veriləcək.