“Çelsi”, “Mançester Siti” və “Milan”ın sabiq oyunçusu, 1995-ci ildə dünyanın ən yaxşı futbolçusu və Liberiyanın hazırkı prezidenti Corc Vea yoldaşlıq oyununda iştirak edib.
51 yaşlı sabiq oyunçu Liberiya və Nigeriya yığmaları arasında keçirilən yoldaşlıq görüşündə start heyətdə meydana çıxıb və 80-ci dəqiqədə əvəzlənib. Qarşılaşma Nigeriyanın 2:1 hesablı qələbəsi ilə başa çatıb.
Qeyd edək ki, matç Veanın karyerasının böyük hissəsini keçirdiyi millidə 14 nömrəli formanın əbədiləşdirilməsi məqsədilə təşkil olunub.
Xatırladaq ki, Vea 2017-ci ilin dekabrında Liberiyanın prezidenti seçilib.