Çempionlar Liqasının ikinci təsnifat mərhələsinin cavab matçında “Samtredia” ilə qarşılaşacaq “Qarabağ” bu gün Gürcüstana gedəcək.
İdmanxeber.com-un məlumatına görə, komanda Tiflisə çarter deyil, adi şərnişin reysi ilə saat 20:10-da yola düşəcək.
Sabah “Qarabağ”ın oyununun keçiriləcəyi Tiflisdəki Boris Payçadze adına stadionda məşqi nəzərdə tutulub.
Xatırladaq ki, bu komandaların ilk matçında Ağdam klubu 5:0 hesabı ilə qalib gəlib.