Topaz Premyer Liqanın XVI turunda “Neftçi”ni qəbul edəcək “Qarabağ” klubu bu oyunun hazırlıqlarını tamamlayıb.
Klubun rəsmi saytına istinadən verdiyimiz məlumata görə, komanda artıq bu oyunun başlama saatını gözləyir.
54-cü derbi öncəsi komandada ciddi itki yoxdur. Artıq 1 aydır zədə üzündən yaşıl meydanlardan kənarda qalan Admir Telinin durumu isə qeyri-müəyyəndir.
Çempionatın ilk yarısında rəqib meydanında baş tutan görüşdə hesab açılmamışdı. Azərbaycan derbisini Vüsal Əliyevin başçılıq edəcəyi hakimlər briqadası idarə edəcək.
Qeyd edək ki, “Qarabağ” – “Neftçi” görüşü sabah, saat 18:00-da Tofiq Bəhramov adına Respublika stadionunda keçiriləcək.