UEFA Avropa Liqasının qrup mərhələsində keçiriləcək “Qarabağ” – “Nant” (Fransa) oyununun biletlərinin satışa çıxarılacağı vaxt müəyyənləşib.
İdmanxeber.az klubun mətbuat xidmətinə istinadən xəbər verir ki, biletlər sentyabrın 11-i saat 11:00-dan satışa çıxarılacaq.
Biletlərin qiyməti müvafiq olaraq 5, 20, 30, 75 və 100 manat təşkil edir.
Satış məntəqələri:
Tofiq Bəhramov adına Respublika stadionun kassalarında (11:00-dan 20:00-dək);
Iticket.az-ın satış məntəqələri (iticket.az-da onlayn satış);
Park Bulvardakı “Qarabağ” FK-nın Fan-Şopunda (11:00-dan 20:00-dək), eləcə də 28 mall və Gənclik mall ticarət mərkəzlərində bütün biletlər satışa çıxarılacaq (11:00-22:00).