"Bavariya"nın Bundesliqanın son turunda "Borussiya"nı məğlub etdiyi matçda (3:0) Münxen klubunun hansı taktika ilə oynayacağı mətbuata ötürülüb.
Oyundan öncə bu xəbər, bir neçə idman portallarında öz əksini tapıb.
Bu məlumatın mediaya "Bavariya"nın futbolçusu tərəfindən ötürüldüyü iddia olunur. Komandanın çalışdırıcısı Pep Quardiola bunu edən futbolçunun kimliyindən asılı olmayaraq klubdan qovulacağını bildirib:
"Satqının kim olduğunun mənim üçün fərqi yoxdu, qovulacaq. Onun "Bavariya"dan getməsini istəyirəm. O, heç vaxt mənim komandamda oynamayacaq".