Millimizin hücumçusu Ramil Şeydayevin şərəfini qoruduğu “Dinamo”nun yeni baş məşqçisi müəyyənləşib.
İdmanxeber.az-ın məlumatına görə, Moskva klubunda istefa verən Dmitri Xoxlovu Kirill Novikov əvəz edib. Lakin Novikov bu posta müvəqqəti təyin olunub.
“Dinamo”nun gənclərdən ibarət komandasını çalışdıran Novikov yeni baş məşqçi təyinatına qədər bu vəzifəni icra edəcək. 38 yaşlı mütəxəssis paralel olaraq həm də klubun gənclərdən ibarət komandasını çalışdırır.
Qeyd edək ki, “Dinamo” Rusiya Premyer Liqasında 12 turdan sonra 10 xalla 15-ci pillədə qərarlaşıb.