“Oyundan sonra əzmkar mübarizələrinə görə futbolçulara təşəkkür etdim. Bəhanə gətirmək istəmirəm. “Qarabağ”la “Səbail” eyni səviyyəli komanda deyil”.
İdmanxeber.com-un məlumatına görə, bu sözləri Azərbaycan Premyer Liqasının 16-cı turu çərçivəsində keçirilən “Səbail” – “Qarabağ” matçı sonrası baş tutan mətbuat konfransında meydan sahiblərinin baş məşqçisi Samir Əliyev deyib. Çalışdırıcı qarşılaşma haqda bunları deyib.
– “Səbail” ilk hissədə daha çox pressinq edirdi, ikinsi hissənin son 30 dəqiqəsində isə sanki yorğunluq var idi…
– Əksinə, ikinci hissənin sonlarında daha çox pressinqlər edirdik.
– Görüş boyunca elə çox qol epizodu yarada bilmədiniz…
– Düzdü, ancaq onların da elə çox qol vəziyyəti olmadı. Biz də çalışırıq ki, oyunlarımızı düzəldək. “Qarabağ”ın imkan verdiyi qədər oynadıq.
– “Kəpəz” – “Keşlə” matçında hansı komandaya azarkeşlik edirdiniz?
– Açığı istəyirdim ki, görüş heç-heçə bitsin. Çünki xal fərqində bizə çatmalarını istəmirəm. Bununla belə, biz öz oyunlarımıza baxırıq. Elə də vacib deyil, kim necə oynadı.