Növbəti mövsümdən Premyer Liqada mübarizə aparacaq “Səbail” klubu iyunun 12-dən məşqlərə start verir.
Debütant Samir Əliyevin rəhbərliyi altında 12 iyundan etibarən “Dalğa Arena”da hazırlıqlara başlayacaq.
Komanda iyulun 6-na qədər məşqlərini Bakıda davam etdirməsi planlaşdırılıb. “Səbail”in bu müddətdə 3 yoldaşlıq oyunu keçirməsi nəzərdə tutulub. Rəqiblərin adı isə hələlik məlum deyil.
Bayıl təmsilçisi iyulun 6-dan sonra toplanış üçün ölkə xaricinə üz tutacaq.