“Qəbələ”nin hücumçusu Daniyel Subotiçin idmanxeber.com saytına müsahibəsi.
– İlk öncə qələbə münasibəti ilə təbrik edirik. Oyunla bağlı düşüncələrini öyrənmək istəyərdim…
Bizə qələbə vacib idi. Yaxşı oyun göstərdik və qələbə qazandıq. Uşaqlara təşəkkür edirəm ki, sona kimi mübarizə apardılar.
– Oyun zamanı tez-tez “Qarabağ”lı futbolçular arasında gərginlik yaşanırdı. Səbəb nə idi?
Adi oyun epizodlar idi. Sadəcə oyun gərgin keçirdi. Heç kim məğlub olmaq istəməz. İkinci hissədə “Qarabağ” cavab qolunu vurduqdan sonra ara daha da gərginləşdi. Lakin sonradan hər şey qaydasına düşdü. Gördüyünüz kimi, onlarla dost kimi meydanda ayrıldıq.
– “Qəbələ” qeyri-stabil çıxışı ilə azarkeşlərini üzür. Stabilliyi qoruya bilməməyiniz nədən qaynağlanır?
Mən deməzdim biz stabil oynamırıq. Sadəcə öz oyunumuzu göstərə bilmirik. Bu gün öz futbolumuzu oynadıq və “Qarabağ”ı yendik. İndi vəziyyət düzəlir.
– Yarımfinaldakı rəqibiniz “Xəzər Lənkəran”dı…
Bu gün göstərdiyimiz oyunu göstərsək qələbə qazana bilərik. Biz göstərmişik ki, “Xəzər Lənkəran”ı məğlub etmək olar. Əgər biz “Qarabağ”ı məğlub etmişiksə, istənilən rəqibi yenə bilərik.