Türkiyənin Bolu bölgəsində hazırlığını davam etdirən “Sumqayıt” bu günü bir məşqlə başa vurub.
İdmanxeber.com-un məlumatına görə, komanda Nazim Süleymanovun rəhbərliyi altında artıq səhər məşqini keçirib. Dünən baş tutan “Alanyaspor”la yoxlama oyunu sonrası təxminən 1 saat davam edən məşqdə futbolçular yüngül qaçış ardından toplu çalışmalara üstünlük verib. Həmin qarşılaşmada 90 dəqiqə iştirak edən oyunçular məşqin ikinci hissəsini fitness zalında hazırlıqla keçirib.