“Qələbə qolunu vurduğum üçün sevinirəm. Top gözləmədiyim anda önümə düşdü və qol vurdum”.
İdmanxeber.az-ın məlumatına görə, bu sözləri “Viktoriya” (Plzen) klubunun futbolçusu Yan Kliment “Qarabağ”a 2:1 hesabı ilə qalib gəldikləri cavab oyunundan sonra deyib. O, daha sonra belə davam edib:
“Oynayacağımı bilirdim. Hamı belə görüşlərdə meydanda olmaq istəyir. Karyeramın ən önəmli matçı idi. Oyuna hazırlaşmışdım. Təəssüf ki, qapıçıya tərəf qaçanda əzələm dartıldı. Əvəzləmə işarəsi verməyə vaxtım yox idi”.
Qeyd edək ki, “Qarabağ” UEFA Avropa Liqasının qrup mərhələsində mübarizə aparacaq.