Premyer Liqanın XXI turu çərçivəsində səfərdə “Neftçi” ilə qarşılaşacaq “Xəzər Lənkəran” “Böyük oyun”a ciddi itkilərlə çıxacaq.
İdmanxeber.com-un məlumatına görə, “Qarabağ”la matçda qırmızı vərəqə alan Ruslan Cəfərov paytaxt komandası ilə oyunda cənublulara kömək edə bilməyəcək.
Bundan başqa yeni transfer Tural Qürbətov da “Neftçi” ilə matçda forma geyinə bilməyəcək. Hücumçu Ağdam klubu ilə oyunda sarı vərəqə alaraq cəzalı duruma düşüb.
Qeyd edək ki, “Neftçi” – “Xəzər Lənkəran” oyunu fevralın 13-də baş tutacaq.