“Xəzər Lənkəran”ın xorvatiyalı qapıçısı Vyekoslav Tomiç “Sumqayıt”la oyundan sonra müsahibə verib.
– Tomiç, Azərbaycan çempionatında ilk oyununu keçirdin. Öncə təəssüratlarını öyrənərdik…
– Maraqlı oyun oldu. Eyni zamanda çətin oldu. Çətin olacağını da bilirdik. Çüni əsas heyətin 5 futbolçusu oynamırdı. Bununla belə, əsas olan qələbə idi ki, onu da qazandıq. 3 xala görə çox şadam.
– Sənin özün üçün nə dərəcədə çətin oldu? Hiss olunurdu ki, hələ tam uyğunlaşmamısan...
– İlk oyunum olduğundan bunu normal qəbul edirəm. Bir neçə oyun oynasam uyğunlaşma problemi də tam həll olunacaq.
– Bundan sonra da əsas heyətdə dayanacağına inanırsan?
– Mən həmişə oynamağa hazıram. Yekun qərarı isə baş məşqçimiz verəcək.
– Etiraf edək ki, çempionatda şansınız yoxdur və əsas hədəfiniz kubokdur. Bu reallığı qəbul edirsən?
– Çempionluq bir qədər mümkünsüz görünür. Çünki “Qarabağ” çox uzaqlaşıb. Amma ilk “üçlüy” şansımızın qaldığını düşünürəm. Bizi ordan 10 xal ayırır. Qarşıda isə 10 turun olduğunu nəzərə alsaq, hər şey mümkündür.
– Amma yenə də əsas diqqətinizi kuboka yönəltməlisiniz…
– Elədir. “Araz – Naxçıvan”ı evdə mütləq məğlub etməliyik. Sonra bizi yarımfinal və final görüşləri gözləyir. Bütün gücümüzü toplayb kuboku qazanmalıyıq. İnanıram ki, bunun öhdəsindən gələcəyik.
rekord.az