Sabah I Divizionda XXIV turda “Zaqatala”nın qonağı olacaq “Səbail” bu gün səhər saatlarında Zaqatalaya çatıb.
İdmanxeber.com-un məlumatına görə, komanda günorta saatlarında Zaqatala şəhər stadionunda məşqə çıxıb. Məşq təxminən 40 dəqiqə davam edib.
Zədədən əziyyət çəkən Eltun Yaqublu sabah “Zaqatala”ya qarşı matçda iştirak etməyəcək. “Mil-Muğan”la oyunda zədələnən digər müdafiəçi Qvanzav Maqomedov isə komandayla birgə Zaqataladadır və sabah baş məşqçi şans verəcəyi təqdirdə meydana çıxa biləcək.