“Zirə” heyətinə iki yeni futbolçu cəlb edib.
İdmanxeber.az klubun mətbuat xidmətinə istinadən xəbər verir ki, Andriya Lukoviç və Toni Korreya Qomeslə 2 illik müqavilə imzalanıb.
27 yaşlı Lukoviçin son klubu Portuqaliya “Belenenseş”i olub. Serbiyalı yarımmüdafiəçi daha əvvəl ölkəsinin “Rad”, “Bask”, “Srvena Zvezda”, “Vojdovaç”, Polşanın “Rakuv”, Portuqaliyanın “Famalikan” klublarında çıxış edib.
23 yaşlı Qomesin son klubu Türkiyə “Menemenspor”u olub. Portuqaliyalı hücumçu daha əvvəl ölkəsinin “Arouka”, Misirin “Haras El-Hadud”, “Tala El-Qaiş”, İngiltərənin “Forest Qrin Rovers” klublarında çıxış edib.