“Qarabağ”ın futbolçusu Ramil Şeydayev karyerasını yenidən ölkə xaricində davam etdirə bilər.
İdmanxeber.az-a daxil olan məlumata görə, Macarıstanın “Debretsen” klubu Şeydayevin xidmətində maraqlıdı. 4 dəfə Macarıstan çempionu olmuş 121 yaşlı kollektiv yayda Şeydayevi heyətinə qatmağı planlaşdırır.
Qeyd edək ki, 26 yaşlı forvardın “Qarabağ”la müqaviləsi mövsümün sonunda başa çatır. Şeydayev Ağdam təmsilçisinin yeni təklifinə “hə” deməyib. Onun karyerasını ölkə xaricində davam etdirməkdə maraqlı olduğu bildirilir.