Azad agent statusunda olan Danilo Qallinari “Miluoki Baks”la müqavilə imzalayıb.
İdmanxeber.az-ın məlumatına görə, 35 yaşlı italiyalı basketbolçu mövsümün sonuna qədər Miluoki komandasının şərəfini qoruyacaq. “Baks” bu mövsüm Qallinarinin 3-cü komandası olacaq. O, bu il “Vaşinqton Vizards” və “Detroyt Pistons”un heyətində də çıxış edib.
Danilo 2008-ci ildən NBA-də çıxış edir. Həmin il o, “Nyu-York Niks” komandası tərəfindən draftda 6-cı sıradan seçilib. Karyerası ərzində göstəriciləri 15,2 xal və 4,7 ribaunda bərabərdir.