“Xəzər Lənkəran”ın
müdafiəçisi Villian Tyeqonun idmanxeber.com-a müsahibəsi
– Həftəsonu “Neftçi”ylə
“Böyük oyun”a çıxacaqsınız. İlk dəfə bu həyəcanı sən də yaşayacaqsan.
Bu matçla bağlı nə deyərdin?
Bu cür oyunlar çempionatın digər matçlarından fərqlənir həmişə.
Biz də bu oyuna ciddi hazırlaşırıq. İlk dəfə bu debridə forma geyinəcəm.
– Lider “Qəbələ”dən 14 xal
gerisiz. Bu fərqi aradan qaldırmaq üçün çox tər tökməli olacaqsız.
Hələ qarşıda 17 tur qalır. Növbəti oyuna fikirləşə-fikirləşə
məqsədimizə çata bilərik. İndidən nəsə demək olmaz.
– “Qarabağ”la oyunda debüt etdin.
Öz oyunundan razı qaldınmı?
Mənim bacarığım daha artıqdı. Mən bilirəm ki, komandaya daha çox
xeyir verə bilərəm. İlk oyunda qələbə qazanmağımız yaxşı haldı və düşünürəm ki,
bunu müsbətə yozmaq olar.
– “Qarabağ” üzərindəki qələbənin
davamını gətirə biləcəksinizmi?
Biz çox istəyirik ki, bütün oyunlarda qələbə qazanaq və
azarkeşlərimizi sevindirək. Əlimizdən gələnin ən yaxşısını edəcəyimizə heç
kəsin şübhəsi olmasın.
– “Neftçi”ylə oyunda “Xəzər
Lənkəran” azarkeşlərinə qələbə sözü verirsənmi?
Onu deyə bilərəm ki, meydanda canımızı qoyacağıq. Qələbə haqda isə
tam söz verə bilmərəm. Çünki futbolda nəticə hər dəfə fərqli olur. Bəzən çox
hücum edərsən ancaq bəxtsizlik səndən üz döndərər, bəzən də bir qol imkanın
olar və ondan yararlanarsan. Vəziyyət bax belədi.