Misli Premyer Liqasının 28-ci turunda “Sumqayıt” doğma meydanda “Sabah”ı qəbul edəcək.
İdmanxeber.az-ın məlumatına görə, matça hər iki komanda itkilərlə çıxacaq. “Kimyaçılar”ın heyətində İsa Suliman və Giorgi Karaişvili zədə səbəbindən oynaya bilməyəcək. Digər zədəli futbolçu Xəyal Fərzullayevin isə oynayıb-oynamayacağı bəlli deyil.
“Sabah” isə görüşdə yalnız Amin Seydiyevin xidmətindən yararlana bilməyəcək. İstanbulda əməliyyat olunan futbolçu uzun müddət yaşıl meydanlardan kənar qalacaq.
“Sumqayıt” – “Sabah” matçı bu axşam saat 19:00-da start götürəcək.