_104.jpg)
Azərbaycan Premyer Liqasının 18-ci turunda “Qəbələ”ni qəbul edəcək “Kəpəz” bu gün səhər saatlarında Gəncəyə yola düşüb.
İdmanxeber.com-un məlumatına görə, həftəboyu Bakıda məşq edən komandanın oyun öncəsi son hazırlığı Gəncə şəhər stadionunda olacaq. Matçın keçiriləcəyi arenada baş tutacaq çalışma bü gün saat 16:00-da başlayacaq. Məşq prosesi azarkeşlər və mətbuat üçün açıq xarakter daşıyacaq.
Qeyd edək ki, qonaq komanda “Qəbələ” artıq dünən gecə Nizami Yurduna çatıb və “Ramada Plaza” otelində məskunlaşıb. Roman Qriqorçukun komandasının 2 gün öncədən Gəncəyə gəlməsi maraq doğurub.