Sabah UEFA Konfrans Liqasının III təsnifat mərhələsinin cavab oyununda səfərdə “Rapid”lə qarşılaşacaq “Neftçi” dəstəksiz qalmayacaq.
Klubun mətbuat xidmətindən İdmanxeber.az-a verilən məlumata görə, “Alliyans” stadionunda keçiriləcək qarşılaşmada 100-ə yaxın azarkeş “ağ-qaralar”ı qələbəyə səsləyəcək.
Ümumilikdə bildirək ki, qarşılaşmaya maraq böyükdü. 28 min azarkeş tutumuna malik olan stadionun sabah tamamən dolu olması gözlənilir.
“Rapid” – “Neftçi” görüşü sabah Bakı vaxtı ilə saat 22:30-da start götürəcək.