Premyer Liqamızda ilk iki dövrə yekunlaşdı. Bununlada Premyer Liqa klubları qış fasiləsinə yollanır.
İdmanxeber.az-ın məlumatına görə, geridə qalan 14 tur ərzində sarı və qırmızı vərəqə ilə cəzalandırılan futbolçulardan başqa baş məşqçi və məşqçilər də diqqətdən qaçmadı. Hakim qərarlarına etiraz edənlər və bunun fonunda cəzalananlar da oldu, bu cəzadan yan keçənlər də.
Başa çatan ilk iki dövrədə ən çox hakim tərəfindən cəzalandırılan baş məşqçilər Sənan Qurbanov (“Keşlə”) və Rəşad Sadıqov (“Zirə”) oldu. Qurbanovun aktivində 3 sarı və 1 qırmızı vərəqə var. Ard-arda iki tur cəzlandırılan “Keşlə”nin baş məşqçisi PL-də qırmızı alan iki baş məşqçidən biridi. “Zirə”nin uğurları üçün çalışan Rəşad Sadıqov da 3 dəfə sarı vərəqə ilə cəzalandırılıb.
Ümumilikdə isə 14 turdan sonra hakimi qəzəbləndirməyən 2 baş məşqçi var. Bunlar “Qarabağ”a rəhbərlik edən Qurban Qurbanov və “Neftçi”nin çalışdırıcısı Samir Abasovdu. Hətta bu məşqçilərin köməkçiləri belə sözügedən cəzaya məruz qalmayıb.
Ümumilikdə isə sıralama aşağıdakı kimidi:
Keşlə: baş məşqçi Sənan Qurbanov 3 sarı vərəqə+1 qırmızı vərəqə, məşqçi Kamal Quliyev1 sarı vərəqə
Zirə: baş məşqçi Rəşad Sadıqov 3 sarı vərəqə
Sumqayıt: baş məşqçi Ayxan Abbasov 2 sarı vərəqə
Səbail: baş məşqçi Aftandil Hacıyev 1 qırmızı vərəqə
Qəbələ: baş məşqçi Elmar Baxşıyev 1 sarı vərəqə, məşqçi Rasim Ramaldanov 3 sarı vərəqə
Sabah: məşqçi Vitali Kovalyov 1 sarı vərəqə
Həsən Quluzadə