26 may tarixində UEFA Çempionlar Liqasının həlledici mərhələsinin oyunu çərçivəsində üz-üzə gələcək “Real” Madrid və “Liverpul” komandalarının görüşü ölkəmizdə də böyük maraqla gözlənilir.
İdmanxeber.com-un məlumatına görə, bu səbəbdən böyük monitorlar sayəsində qarşılaşmanı Bakı Olimpiya Stadionundan da izləmək mümkün olacaq. Arenanın kənarında televizorlar quraşıdırlacaq. Qiyməti 5 – 10 manat təşil edəcək biletləri oyun günü stadionda satışda olacaq. Giriş saat 20:30-a təyin edilib.
Qeyd edək ki, Ukraynanın paytaxtı Kiyevdə keçiriləcək görüş Bakı vaxtı ilə saat 22:45-də start götürəcək.