“Real” klubu yayda heyətini gücləndirməyi planlaşdırır.
İdmanxeber.az “The Telegraph” nəşrinə istinadən xəbər verir ki, rəhbərlik Luka Modriç, Toni Kroos və Karim Benzema kimi karyeralarının sonlarına gəlmiş futbolçuların ardından heyətə yeni ulduz oyunçular cəlb etmək niyyətindədir.
Bunların arasında Kilian Mbappe və Jud Bellingem kimi isimlər var.
“Kral klubu”nun prezidenti Florentino Peres yayda iki oyunçunun da transfer edilməsi üçün çalışmalarını davam etdirir. Almaniya “Borussiya”sında çıxış edən ingiltərəli bu yaxınlarda Dortmund təmsilçisinin yeni müqavilə təklifini geri çevirib.
Fransalı hücumçunun isə PSJ-dəki gələcəyi bəlirsizdir. Onun komandası ilə 2025-ci ilə qədər sözləşməsi davam etsə də, udluz futbolçu klubdan ayrıla bilər.
Mənbə yazır ki, “Real” yayda iki ulduz futbolçunun da komandaya keçidini həll etməyə cəhd edir. Rəhbərlik bununla da “Los Galaktikos” xayalını yenidən həyata keçirmiş olacaq.