“İnter”in qapıçısı Səlahət Ağayev klubun rəsmi saytına müsahibə verib.
– Səlahət, “Xəzər Lənkəran”la oyunda zədə aldın. Hazırda vəziyyətin necədir?
– Yaxşıdır, artıq məşqlərə başlamışam.
– Səni qarşıdakı oyunda görə biləcəyik?
– İnşallah, məşq edirəm. Məşqçilər korpusu lazım bilsə, meydana çıxacağam. Ümumiyyətlə, “İnter”də qapıçı problemi yoxdur. Mən olmasam da, komandada yetərincə təcrübəli qapıçılar var.
– Milli komandanın yeni məşqçisinin adı açıqlandı. Yeni məşqçidən təklif gözləyirsən?
– Təbii ki, milli komandada oynamaq hər bir futbolçu üçün böyük şərəfdir. Klubda özümü yaxşı tərəfdən göstərməliyəm ki, dəvət alım.
– Yığmanın son oyununda qapıda sən dayanmışdın. Necə düşünürsən, yeni məşqçi qarşıdakı oyunlarda sənə şans verəcək?
– Vacib olanı budur ki, milli komanda qalib gəlsin. Qapıda kimin qayanacağı o qədər də önəmli deyil. Millidə Kamran Ağayev kimi təcrübəli qapıçımız var. Qapıda kimin dayanacağını məşqçilər korpusu müəyyənləşdirir. Biz də onların qərarlarına hörmətlə yanaşırıq.